كنيستا السيدة العذراء والأنبا بيشوي والسيدة العذراء والأنبا رويس

"مساكنك محبوبة يا رب إله القوات. تشتاق وتذوب نفسي للدخول إلى ديار الرب" (مز 83: 1)

يوم جديد في تاريخ كنيستنا – عودة رفات شهداء الكنيسة بليبيا لمصر

القصة بقت واقع شفناه
والتاريخ بقي أيام بعدها
حكوا لنا و اتفرجنا علي صور عوده مار مرقس أيام البابا كيرلس والاباء شايلين صندوق اسود كبير ونازل من الطياره في 1968
طياره وبابا واساقفه وكهنه وشمامسه وصلبان

وكمان صور عودة البابا اثناسيوس ايام البابا شنوده سنه 1973
طياره وبابا واساقفه وكهنه وشمامسه وصلبان

وادينا النهارده 14/5/2018 عايشين وبنشوف عوده الشهداء كنيستنا شهداء جيلنا شهداء كانوا عايشين معانا في نفس الوقت حافظوا علي ايمانهم
(زي ما كنا بنسمع عن مار جرجس ومار مينا وابو سيفين وامنا دولاجي واولادها وامنا رفقه واولادها وكثير قصص حفظناها)
طياره وبابا واساقفه وكهنه وشمامسه وصلبان

يوم جديد في تاريخ كنيستنا
بس اليوم ده احنا عيشناه وشفناه

يوم ها يتكرر تاني وتالت

اصلها امي الكنيسه تاريخها هو حاضرها
وايامها بتسطر تاريخها
هي هي امس واليوم والي الابد

عشتي امي الكنيسه
عشتي قويه
عشتي بتاريخ معاش كل يوم
وعاش اولادك الشهداء