“تعرف تطلب!”

تعرف تطلب…
طب تعرف تخبط.
طب بتطلب وانت ايه..
قلقان، خايف، مش مصدق،
طب بص..

اطلب وهتاخد حتي لو ليك ايمان حبة خردل وهي اصغر جميع الحبوب

اطلب و هتاخد حتى لو إيمانك ضعيف زي ابو الولد ( مر ٩: ٢٤ فَلِلْوَقْتِ صَرَخَ أَبُو الْوَلَدِ بِدُمُوعٍ وَقَالَ:”أُومِنُ يَا سَيِّدُ، فَأَعِنْ عَدَمَ إِيمَانِي”)

اطلب وهتاخد حتى لو عدي بيك العمر زي زكريا واليصابات.

اطلب وهتاخد حتى لو هربان و مطرود
زي يعقوب لما صارع الله وغلبه.

اطلب وهتاخد زي حنة ام صموئيل حتى لو اتأخر في وعده .

اطلب وهتاخد زي الشوناميه حتى لو الأمور ضدك و الناس بتقولك كفايه مش هيبصلك.

اطلب زي برتيماوس حتى لو بتصرخ ومحدش سامعك وبيقولوا لك كفايه متصرخش ( مر ١٠_٤٨ فَانْتَهَرَهُ كَثِيرُونَ لِيَسْكُتَ، فَصَرَخَ أَكْثَرَ كَثِيرًا:”يَا ابْنَ دَاوُدَ، ارْحَمْنِي!”.)

اطلب وهتاخد بس بركب منحنيه
اطلب و هتاخد بس بدموع
اطلب و هتاخد بس بايمان
اطلبو و هتاخد بصراخ ومتبطلش
اطلب و هتاخد حتى لو مش امين ( 2تي2 إِنْ كُنَّا غَيْرَ أُمَنَاءَ فَهُوَ يَبْقَى أَمِينًا، لَنْ يَقْدِرَ أَنْ يُنْكِرَ نَفْسَهُ.)

اطلب وهتاخد بس مش كده وبس هيقولك
(حَوِّلِي عَنِّي عَيْنَيْكِ فَإِنَّهُمَا قَدْ غَلَبَتَانِي)
نش 5-6

( وَلكِنْ بِدُونِ إِيمَانٍ لاَ يُمْكِنُ إِرْضَاؤُهُ، لأَنَّهُ يَجِبُ أَنَّ الَّذِي يَأْتِي إِلَى اللهِ يُؤْمِنُ بِأَنَّهُ مَوْجُودٌ، وَأَنَّهُ يُجَازِي الَّذِينَ يَطْلُبُونَهُ)
عب 11_6